Tesla-ն մտադիր է դադարեցնել Կալիֆոռնիայում իր գործարանի աշխատանքը

Ամսաթիվ: 20:07:16 - Դիտում: 180

Ամերիկյան Tesla ընկերությունը մտադիր է դադարեցնել Ֆրիմոնթի (Կալիֆոռնիա նահանգ) իր գործարանի աշխատանքը, քանի որ այնտեղ նախատեսում է տեղադրել նոր հոսքագիծ: Այս մասին հայտնել է ամերիկյան Electrek պորտալը:
Պորտալի աղբյուրների խոսքով՝ ձեռնարկությունում արտադրական հզորությունների մեծացման գործընթացն արդեն սկսվել է: Սպասվում է, որ նոր հոսքագիծը կիրառելու են էլեկտրաշարժիչով Model Y նոր քրոսովերների հավաքման ժամանակ: Ամենայն հավանականությամբ, գործարանի աշխատանքը կարող են դադարեցնել արդեն ընթացիկ ամսվա վերջին: Չի հստակեցվում, թե ձեռնարկությունը որքան արագ կբացվի:
Ֆրիմոնթում գտնվող Tesla-ի գործարանում արտադրում են էլեկտրամոբիլներ եւ տարբեր բաղադրիչներ, այնտեղ աշխատում է մոտ 10 հազար մարդ:
Tesla-ն 2003 թվականին հիմնադրել է ձեռներեց Իլոն Մասկը: Ընկերությունը սկզբում մասնագիտացած էր էլեկտրամոբիլների արտադրության ուղղությամբ, բայց հետո սկսեց զբաղվել նաեւ էներգակուտակիչ համակարգերի ստեղծմամբ: