«Եվրատեսիլ 2014»-ի բացման արարողությունը կկայանա այսօր. StyleMedia

Ամսաթիվ: 14:05:04 - Դիտում: 665



Դանիայի մայրաքաղաքում այսօր կմեկնարկի «Եվրատեսիլ 2014» երգի միջազգային մրցույթը։ Բացման պաշտոնական արարողությունը տեղի կունենա այսօր երեկոյան՝ Կոպենհագենի քաղաքապետարանի պատմական շենքում. տեղեկացնում է РИА Новости գործակալությունը։

2014թ.-ին մրցույթին մասնակցում են 37 երկրների ներկայացուցիչներ։ Երկու կիսաեզրափակիչները տեղի կունենան մայիսի 6-ին և 8-ին, իսկ եզրափակիչը՝ մայիսի 10-ին։ Ողջ շոուն կհեռարձակվի ուղիղ եթերով։


Նշենք, որ Հայաստանը «Եվրատեսիլ 2014»-ին կներկայացնի Արամ MP3-ն՝ Not Alone երգով։ Հայաստանի ներկայացուցիչը ելույթ կունենա մրցույթի առաջին կիսաեզրափակչում` 1-ին համարի ներքո:


Ընդհանուր առմամբ, այս տարի «Եվրատեսիլ»–ի YouTube–ի ալիքում մասնակից երգերի տեսահոլովակների դիտումների քանակով Not Alone-ն առաջատարն է՝ ավելի քան 2 մլն 600 դիտում ցուցանիշով: Բացի այդ, միջազգային բուքմեյքերական ընկերությունները, ամենատարբեր վարկանիշային կայքեր առաջատար հորիզոնականներում տեսնում են Հայաստանի պատվիրակին:


Tert.am