Ռուսաստանի հետ հարաբերությունների խզումը Եվրոպայի շահերից չի բխում. Մերկել

Ամսաթիվ: 19:02:16 - Դիտում: 192



Ռուսաստանի հետ հարաբերությունների խզումը Եվրոպայի շահերից չի բխում, հայտարարել է Գերմանիայի կանցլեր Անգելա Մերկելը՝ Մյունխենի անվտանգության համաժողովում ելույթի ժամանակ:

Ինչպես նշում է Reuters գործակալությունը, Մերկելը հանդես է եկել ի պաշտպանություն Ռուսաստանից դեպի Գերմանիա նոր գազատարի կառուցման ծրագրի:

«Գիտակցված կերպով Ռուսաստանին քաղաքական առումով բացառելը սխալ է, ես դա մեզ համար ոչ ճիշտ ռազմավարություն եմ համարում: Աշխարհաքաղաքական տեսանկյունից Եվրոպան ոչինչ չի շահի Ռուսաստանի հետ բոլոր համարբերությունները խզելուց», - ասել է Մերկելը:

Ավելի վաղ ԱՄՆ նախագահ Դոնալդ Թրամփը քննադատել էր վերոհիշյալ ծրագիրը՝ հայտարարելով, որ Գերմանիան Ռուսաստանի «գերին» է, քանի որ կախում ունի ռուսական գազից: